रहीम खान खाना अकबर के नव रत्नों में था,दरबारी ,कवी व उदारमना था.कवी गंग जब रहीम से मिलने गये तो रहीम ने कवी का बहुत सत्कार किया एवम काफी द्रव्य इनाम में दिया.तो कवी गंग ने कहा :

" खाना खान की बड़ी अपूर्व बात ! ज्यों ज्यों कर उपर बढ़े त्यों त्यों निचे नयन !! "

रहीम ने जवाब दिया :

" देन हार कोई और है ,देत रहत दिन रैन !
लोग भ्रम मो पे धरे ताते निचे नयन !! "

प्रथ्विराज राठौर बीकानेर व अकबर के बीच महाराणा प्रताप को लेकर जो वार्तालाप हुआ उसकी जानकारी जब प्र्थिविराज जी की राणी भटयानीजी चंपादे को मिली तो उन्होंने कहा "
"पति जिद की पातसाह सूं,येम सुनी मै आज.
कंह अकबर पातल कंह ,किधो बड़ो अकाज."
भटियानीजी को आश्वस्त करते हुए प्रथ्विराज जी ने कहा .
"जब ते सुने है बैन तबते न मोको चैन ,
पाती पढ़ नेक न विलम्ब लगओगो !
लेके जमदूत से समस्त रजपूत आज,
आगरे में आठों याम उधम मचावगो !
कहे प्रथ्वीराज प्रिय नेक उर धीर धरो ,
चिरंजीवी राणाश्री मलेचन न भगावगो !
मन को मरद मानी प्रबल प्रतापसी ,
बबर ज्यों तडफ अकबर पे आवेगो !"

                  मनीषी स्व . सुरजन सिंह सेखावत 

                                                                  

                                                                                   लेखक : रघुनाथ  सिंह  काली पहाड़ी   ( जागती जोत जुलाई'१९९९  )    

                                                                                                                                                                                                                                                                                           

राजस्थानी साहित अर इतिहास रा लूंठा लेखक, राजस्थानी भासा रा हिमायती मानिता सुरजन सिंघजी रो लारला दिना २० मई' १९९९ रै दिन देवलोक हुयग्यो. आ जाण'र साहित जगत रा विद्वाना

नै घणो दुःख हुयो मौन तपसी री तांइ आप पूरे जलम साहित अर इतिहास री सेवा में जुट्या रया. इयाँ का प्रखर विद्वान री जाणकारी पाठकां नै भी हुवे अर बै पढ़'र प्रेरणा ले . इण वास्ते उंणा रो जीवन चरित्र लिख्यो जावे है.

 साहित जगत मै मनीषी री उपाधि सूं सम्मानित स्व. सुरजनसिंह सेखावत रो जलम १० दिसम्बर '१९१० झुंझणू जिला रा नामी गाँव झाझड माँय हुयो.आपनै सुरु सुरु मे बरमचारी आसरम

नवलगढ़ में भणाई करी. ओ आसरम उण बख्त रो एहड़ो आसरम हो जठे  संस्कारां री सिक्सा पर घणो ध्यान दियो जांवतो, ओ ही कारण हो कै आपरी वेसभूसा, आचार विचार अर चिंतन मनन

में भी भारत री संस्कृति री हिज सुगंध आवती. पछे आप १९३० में जैपर में रै'र दसवीं तक की भणाई करी. इण रै पाछे प्रथमा हिंदी प्रयाग सूं  अर साहित भुसण री परीक्षा कासी सूं पास करी

युवापण सूं ही आप री साहित रै प्रति घणी रुचि रही. दुर्गा भगत बाघसिंह मुकन्दगढ़ रै नजदीक रेवणे सूं धरम रै प्रति आपरी आस्था और बढ़ी. आप भी सगती में आस्था राखता. सुरसत पूत चारणा

री वाणी सूं जद आप डिंगल रा गीत सुणता तो आप रै ह्रदय में भी वीर रस रो पोसण होतो.इणा रै संसर्ग सूं राजस्थानी साहित्य रै प्रति आप री रुचि और बढ़ी अर धीरे धीरे आप भी डिंगल रा

सोरठा व् दोहा रचण लाग्या.आप रा १९३० का लिख्या कई दूहा देख्या.उण बख्त देस प्रेम रो एक नमूनों पेस करूं:-  

   

सहज प्रहरी हिंद रो, बणयो रह्यो हिमवान !

आक्रान्ता आड़ो बण्यो, राखी भारत स्यान !!

देव संजोग सूं आप उण बख्त खरवा चल्या गया. उण बख्त राव गोपालसिंह खरवा अंग्रेजां रै खिलाफ चालण हाली क्रांति मे सरीक हा. आप उणा के साथ रेवता .१९३४ में उणा रा दीवान मोडसिंह मायाला 

देवलोक हुयगा तद आप महान क्रांतिकारी राव गोपाल सिंह रा निजी सचिव बणया.राव गोपालसिंह रै क्रांतिकारी विचारा री छाप आप पर पड़ी अर राव साहब भी आपरा कामा सूं प्रभावित हुया. उण

बख्त आप छाया री तरे राव सा'ब रै साथै रैंवता. उणा रै साथै रेवण सूं आप में भी क्रांतिकारी विचार पनप्या. उण बख्त आप राव गोपालसिंह खरवा री प्रसंशा में कई गीत दोहा अर सोरठा लिख्या:-

क्रांतिदूत गोपाल रो , खरवो थान महान !

नर नाहर थाहर दिपै , जंगो गढ़ जोधाण !!

गोरां नै ललकारिया  ,निज भुज बल रै पाण !

१९३० सूं १९३४ रै बीच रा किं नमूना राख्या. इण सूं ठा पडे कै २२-२३ री उमर सूं ही आप साहित जगत में लीन हुयग्या हा.

साहितकार रै रूप में : 

राजस्थानी रै साहित रै प्रति आपरो घणो रुझान रैयो. आप इण भासा रा घणा हेतालू हा. आप कैया कहता - राजस्थान रा इतिहास लिखणया जद तांइ राजस्थानी साहित नै न पढ़े उण

रो इतिहास सांचो इतिहास कोनी कहियो जा सकै, क्यों कै इतिहास रा मोती तो राजस्थानी साहित मै छिप्या पड्या है.

        आप नै राजस्थानी साहित नै भणण अर लिखण रो सदा सूं ही चाव रै'यो .शुरु शुरु में आप जद सोरठा ,दूहा आदि लिख्या, राजस्थानी भासा मायं ही लिख्या अर ओ चाव आप रो ठेठ तांई

रै'यो. १९३० सूं हीज आप राजस्थानी सूं लगाव राख्यो . आप देस प्रेम रो साहित लिख्यो . ओ साहित पद्य व गद्य दोना में ही मिलै. १९३९ में जर्मनी अर अंग्रेजा रै बीच जंग छिड्यो उण बख्त भी 

आप वीर रस पोसण रा दूहा सोरठा लिख्या :-

                    हुयो रास्टर निर्माण हित , नाजी दल मजबूत !

                    आयो योरप उपर , जरमन बण जमदूत  !!   

१९४८ में कबायला जद कसमिर पर हमलो बोल्यो जद भारत रा जवाना मुंह तोड़ जवाब दीन्यो अर उणा नै पाछा भगाया . उण बगत रा नामी वीर पीरु सिंह वीर जोधा री ज्यूँ भिड्या

अर सत्रुवा नै मारता काटता आगे बढया अर काम आया . भारत सरकार उणा नै परम वीर चक्र देर आप रो फर्ज निभायो. पिरुसिंह री वीरता पर आप री कलम चाली, उणा पर काफी कुछ लिख्यो

एक नमूनों परखो :-

                       टीथवाल रै मोरचे, समर हुयो घमसाण !

                        जूझ मुवो पीरु जठे, मही रो राख्यो मांण!

१९६२ में जद चीन आपणे देस पर हमलो बोल्यो भारत रा वीर बाहदुरी सूं लड्या. उण बगत भी राजस्थान रा वीरां राजस्थान री लाज राखी. राजस्थान रा वीर सैतान सिंह अनोखी

वीरता दिखाय अर सत्रुवा ने मोत रै घाट उतार'र रणभोम में काम आया . उणा नै भी भारत सरकार परमवीर चक्र रो सनमान दीन्यो. उण बख्त भी आप री कलम चुप कोनी ही .

सैतान सिंह री वीरता पर भी आप साहित लिख्यो :

                     मझ रण में पायो मरण , राखी रज री आण !

                     भीड़ बैरी जुध भागिया, रंग भाटी  सैतान  !!

आजादी तांई लड़णिया सुतंत्रता सेनाणिया पर भी आप री कलम चाली गाँधी , नेहरु आदि पर भी आप लिख्यो . नेहरूजी देवलोक हुयगा आप नै उणा री मौत रो धको लाग्यो 

आप उणारा मरसिया  ( पिछोला  ) लिख्या :-

                             त्राता भारत भोम रो , भ्राता दीन जनान !

                              मानव अब ढूंढा कठे, नेहरु जस्यो महान !!

                              बीते सतक अनेक , न्र नामी निपजे धरा !

                              नेहरु सो कोई एक , जननी लाखां में जणे !!

राजस्थानी भासा में आप भगती , नीति आद संदर्भ रा दूहा सोरठा भी लिख्या :-

                                क्षण भंगुर इण देह रो , मोह करै सो मूढ़  !

                                जीव अमर अंस ईस रो , वरणो अरथ अगूढ़ !!

                                प्रारब्ध रा ऐ करम , अवस मेव भोगण पडे !

                                 जो समझे ओ मरम , सुख दुःख नै सम जाणलै !!

आप रै संस्मरण में भी आप राजस्थानी भासा नै भूल्या कोनी पाछा री बाता याद करता लिखे :-

                                  ताता चढ़ तुरंग , सूरां माथे  दोड़ता  !

                                  बीत्या दिन बै रंग ,  अब पाछा नही आवसी !!

आप राजस्थान अर राजस्थानी साहित पर घणा शोध लेख भी लिख्या जो भोत सी पत्रिकावा में छपीज्या . आप रा अह्डा प्रमुख लेखां में राजस्थानी साहित में नीति बोध , कृपा राम खिडिया और उन की रचनाये 

वित सारु दत बाँटज्यो, चबुकां तणी चोटा, डिंगल साहित्य रा एक झमालिया छन्द, राजस्थानी साहित्य में भक्ति रस और श्रीकृष्ण ,राजस्थानी दोहे ,राजरूपक ठाकरां सुजाण सिघ  रो बारठ मेघराज रो कहियो -एक परिचय , राजस्थानी नारी ,शेखावाटी के इतिहासिक प्रवाद , राजस्थानी  साहित्य में शक्ति , भुरजाल भुसण आदि गीणाया जा सके है.


इतिहासकार का रूप में            

    

सुरजनसिंह आपरै बखत रा नामी इतिहासकार रैया . आप री जितरी पैठ साहित में हीज उतनी हीज  इतिहास में हीज. इतिहास रा पारखी पं. गोरीशंकर हिराचंद ओझा ,हरिविलास शारदा ,

डॉ. दशरथ शर्मा रै इतिहासां री आप पर घणी छाप पड़ी. शोधपरक इतिहास री कांई पिछाण होवै अ बातां आप इण इतिहासकारा री पोथ्याँ सूं सीखी अर सेखवाटी रै इतिहास पर कई पोथ्याँ

लिख'र शेखावाटी रो इतिहास उजागर करयो.आप री इतिहास री पोथ्याँ में ऊंड़ो चितन -मनन अर शोधपरक दृष्टी लखावे. १९७२ में जद आप सेखा पोथी लिखी तद सूं हीज म्हारो इण सूं

सम्पर्क जुड्यो. आप म्हने गुरु री तरियां हीज इतिहास लिखण रो मारग दिखायो जिण सूं मैं भी कीं लिखण रै जोग हुयो .आप री पैली पोथी 'राव शेखा ' १९७२ में छपी जिण नै कई विद्वाना

सराही. इणरै पाछे तो इण पोथी रा दो प्रकासण फेरूँ होयगा. इण पोथी मै शेखावाटी रा संस्थापक राव सेखा रो जीवन चरित लिखिज्यो .

इतिहास री आप री दूजी  पोथी मांढण युद्ध छपीज्यो . आप इण रो संपादन करयो. १८३८ वि. में मिठूलाल  री लिखी आ पोथी पुराणी लिखावट रै कारण

घणकरा लोगां सूं पढीजी ही कोनी. आप घणो सरम कर'र इण पोथी नै पढ़ी अर फेरूँ संपादन करयो .१८३२ वि. में मांढण नाम रै थान पर शेखावातां अर दिल्ली 

रा शाही फौज रै बीच जबरदस्त जंग हुयो जिण रो सांगोपांग लेखो जोखो इण पोथी में मिले .

१९८४ में आपरो नवलगढ़ रो इतिहास छप्यो. सेखावाटी री भोत सी घटनांवां इण इतिहास रै पढ़ण सूं जाणी जा सकै है . १९८६ में आप री सोधपक  इतिहास रीपोथी ( शेखावाटी प्रदेश का प्राचीन इतिहास ) छप्यो. आज तांई सेखावाटी रै पुराणे इतिहास पर अहेडी पोथी कोनी लिखिजी . आप समै री गहराई में गोता लगाय'र इतिहास रा मोती काढ'र आपरी इण पोथी रूपी माला में पिरोयो .

आपरी अगली पोथी राजा रायसल दरबारी १९९० में छपीजी  खंडेला रा राजा रायसल दरबारी आप रै बखत रा ऊदभट्ट यौधाअर कूटनीति में प्रवीण हा .फारसी रीपोथ्याँ , राजस्थानी ख्यातां, कहावतां, बातां, फरमाना  आदि रै आधार पर लिखी आ पोथी रायसल दरबारी रै पूरे चरित नै उजागर करै.

                     इण पोथी रै फेरूँ महान क्रांतिकारी राव गोपाल सिंह खरवा पर आप पोथी रची . खरवा ठिकाने में आप राव साब कने रैया , इतिहास मेंआँख्यां देखी बातां रै बराबर तो तो और कांई प्रमाणिक  हुवे .   

आपने राव सा'ब री घटनावां,उणारै जीवन रा करतब सै आँख्या देख्या. इण वास्ते आ पोथी तो अनूठी है ही .आ पोथी सिर्फ राव सा'ब रै चरित न ही  उजागर कोनी करै उण बगत रा

भोत सा क्रांतिकारिय रै जीवन चरित न भी उजागर करे .केशरी सिंह बारहठ, प्रताप सिंह,  जोरावर  सिंह, विजय सिंह पथिक ,अर्जुन लाल सेठी , दामोदर राठी ,रास बिहारी बोस आदि

क्रांतिकारिया री चोखी जाणकारी  इण पोथी सूं मिले . इण पोथी रो प्रकासन आयुवन स्मृति संसथान जयपुर १९९६ में करयो.

इण सूं पैली एक आपरी एक पोथी सेखावाटी रै शिलालेखा पर छपी. सेखावाटी रै इतिहास पर कलम चलाणिया लेखकां नै इण पोथी सूं घणी मदद मिलै. तीसरी सदी

बी. सी सूं लेर १६ वीं सदी तक रा शिलालेखा रो सम्पादन इण पोथी मै मिलै.

इतिहास री पोथ्याँ मै आप री आगली पोथी खरवा को इतिहास १९९८ मै छपी .आ पोथी खरवा रो इतिहास पाठकां रै सामने हाजिर करै . इतिहास री आगली पोथी 'खंडेला 

ka वृहत इतिहास '१९९९ में छपी . आ पोथी शेखावाटी रै इतिहास रो एक खजानों कहियो जा सके है.

सुरजन - सुजस

 

         

                                                                      सुरजन -सुजस 

                                                                     (राजस्थानी काव्य )  

                                                                                                                                                                     

 लेखक -डॉ. उदयवीर शर्मा                                                                                                                 सम्पादक- गोपीराम मुरारका                                                      


                                                                                १   
                                                                             मन की बात  
साहित्य,संस्कृति,और शोर्य की शोरभ से जिनका अन्तर्मुखी व्यक्तित्व उजागर हो रहा है, 
जिन्होंने इन दिव्य क्षेत्रों में अपना सुख्यात स्थान बनाया है और जो जन मन की धारणा में 
सामान्य से विशेष बने है,उनकी प्रशस्ति में सदा ही लिखा जाता रहा है.इसी परम्परा में 
ठा.सुरजन सिंह शेखावत,झाझड (झुंझुनू ) के विशिष्ट व्यक्तित्व को सुरजन -सुजस में 
उभारने का प्रयत्न किया गया है.श्रीमान ठाकुर साहेब इतिहास के मर्मज्ञ, साहित्य के शोधक  
और कला के पारखी हैं. प्राचीन साहित्य ग्रन्थों में इतिहास के लुप्त एवम अलभ्य तथ्यों को
खोज निकलना ,उनकी प्रमाणिकता को परखना तथा उन अकाट्य तथ्यों के आधार पर
इतिहास लेखन के कार्य को सुलभ और रोचक बनाना,एक नवीन गति देना तथा मौलिक
अभिव्यक्ति से उसे मंडित करना आदि आप की इतिहास शिल्प की विशिष्टताएं हैं.आप
द्वारा लिखे गये इतिहास ग्रन्थ इस बात के पुष्ट प्रमाण हैं.आप के शोध पूर्ण लेख पत्र पत्रिकाओं
का गौरव बढ़ाते रहे हैं.ऐसे 'शेखावाटी के इतिहास और साहित्य के सपूत ' की प्रशस्ति में कुछ
लिखा जाना एक स्वाभाविकता है.
              उलेखनीय है कि लेखक डॉ. उदयवीर शर्मा श्री शेखावत साहेब कि शालीनता ,सहृदयता ,
आत्मीयता, गंभीर विद्वता, क्षमतापूर्ण पैनी दृष्टी , मानवोचित सुदृढ़ता आदि से प्रभावित है.ऐतदर्थ 
मेरे निवेदन पर उनके गुणों और कार्यों का पद्य बध करके गुणी जनों के सम्मुख प्रस्तुत करने का यह
भाव पूर्ण प्रयास डॉ. शर्मा द्वारा किया गया है.आशा है, यह प्रयास श्री शेखावत के इतिहास और 
साहित्य - गोरव का परिचायक हो सकेगा .
                         राजस्थान के साहित्य व इतिहास को प्रकाशित करवाने में श्रीमान रावल साहब ठा.मदन 
सिंह जी नवलगढ़ की रुचि सैदेव रही है.आप ने ठा. सुरजन सिंह जी के  अनेक ग्रंथो के प्रकाशन में
सदेव सहयोग दिया है.प्रस्तुत पुस्तक भी आप के आर्थिक सहयोग तथा मुरारका प्रिंटर्स के मुद्रण सहयोग से प्रकाशित हो सकी है. मै इन सब का हृदय से आभार प्रकट करता हूँ.

                                                                                                                   गोपीराम मुरारका

                                                                            ( २ )

                      सुरजन - सुजस

                ( राजस्थानी दूहा शतक )

                             वंदना

विनवूं चरण पुनीत, जय वरदा वगेसरी !

पालू साहित रीत, थारो बल प् शारदा  !!१

वाणी रो वरदान , थां बिन कुण देवे सजल !

थारी ओट महान , कारज सारे अण सरया !!२

मति गति राखणहार, थारी जोत सुहावणी !

जग वाणी -आधार, जय जय मायड़ सुरसती !!३

तू आवे झूट भाग ,याद करै जद लाडला  !

भगतां रो ही भाग,धन धन तेरी महर सूं !!४

तेरी निरमल जोत,जग मग राखै जगत नै !

जोत मिले जद जोत, हिड्दै सें चनदण हुवे !!५

इमरत रस री धार, तेरे हुकमां संचरे !

सकल कला आधार , मायड़ सांचल जगत में !!६

कवि कोविद आधार,जग में तू मातेसरी !

फलपे जस अणपार, वरद हस्त प् थारलो !७ 

वरदा दे वरदान , तेरो जस गाऊँ सदा !

अंतर मन में ध्यान, राखूं इबछल हरख सूं !!८

गुरु में जोत सवाय, तेरी देखूं मावडी !

परतख दरसण पाय,सिस नवाऊँ मान सूं !!९

    

                                      ( ३ )   

                                  परिचय  
सुरजन सूरज सो अडिग, समदर सो गंभीर  !
इतिहासां रो पारखी, विनयशील मति धीर  !!१०
धन धन थारी लेखनी, धन धन उजलो ज्ञान !
धन धन साहित सूरमा, जलम भोम रा मान !!११
ज्ञान मान पायो घणो,शेखा धरा प्रविण !
सरस सुरीली बाज री, थार जस री बींण !!१२
झाझड नगरी में तपै, सुधि गुणी रस रूप !
फलपी इमरत साधना, आतम भाव अनूप !!१३
पुन्य धाम शेखा धरा,सत साहित में सीर !
कदै कदै ही नीपजै, सुरजन सा मति धीर  !!१४
सुरसत सुत रै काम सूं, झाझड बण्यो सुधाम !
काम धाम रल मिल हुया, साहित जग सरणाम !!१५
झाझड दीन्या रतन घणा, सती सूर जुंझार !
सुरजन सा भुसण सबल, लूंठा साहितकार !!१६ 
सत-संगम ओपै धरा, झाझड जुझारांह !
साहित रच मंडित करी,वाह रै सुरजन वाह !!१७
तन रजपूती भावना, मन साहित री चाह !
दोनूं भाव उजालिया, वाह रै सुरजन वाह !!१८
रचना धरमी धुन घणी, थारो ज्ञान प्रवाह  !
चोकुंटा फैल्यो सहज,वाह रै सुरजन वाह !!१९  

मितभासी ज्ञानी सुधि, गुण पुरो नर नाह !

कीरत थामा रोपिया, वाह रै सुरजन वाह !!२०

मनमौजी खोजी सुदिढ़, थारो ज्ञान अथाह !

इकडंको पुजवाइयो, वाह रै सुरजन वाह !!२१

मन कंवलो तनड़ो सबल, मिल चाल्या इकराह !

रस बरसायो ज्ञान सूं, वाह रै सुरजन वाह !!२२

अलख जगायो ज्ञान रो,चाल्या अपणी राह !

तन मन सूं धाकड़ घना,वाह रै सुरजन वाह !!२३

                            ( ४ )

सहज सनेही कंवल मन, कदै न मानी डाह !

अपण पथ आपे बढया,वाह रै सुरजन वाह !!२४

कण कण में मनड़ो रम्यो, शेखा धरा सुधीर !

घण पोषक धारक सबल, धन धन सुरजन वीर !!२५

इमरत रस बरसायो, ज्ञान गिरा गंभीर  !

मिलियो जो अपणो हुयो, सुरजन घणा सुधीर !!२६

धोती कुरता कोट पर, भल राजपूती पाग !

रूप निखारै थारलो, धन धन रजवट राग !!२७
अंतर मन कंवलो घणो, सराबोर रस राग !
वीर संस्कृति रा धणी, अरियां ताणी नाग !!२८
मुखड़े सू मोती झडे, नैणा बरसै नेह  !
निरमल हिड़दो रस भरयो, बरसै इमरत मेह !!२९
सीधा सादा विनय नत, आतम भाव अनूप  !
परहित साधक विमल मत, सुरजन सुर-जन रूप !!३०
रजपूती राखी अटल, सत रै काज अनूप !
राष्ट्र धरम ने धारियों, जीवन रस रै रूप  !!३१
धरम करम रजपूत रा, सत री लियां उमंग  !
झेल्यो भोग्यो जुझिया, आजादी रै रंग  !!३२
धाकड़ वाणी गूंजती, गातां डिंगल गीत !
जोश उमड्तो डील में, रजवट रस रा मीत !!३३
बलिदानी जीवन जियो,जुझारां रै साथ !
आजादी तांई लड्या, करिया दो दो हाथ !!३४
दिवलो बण राखी अटल, आजादी री जोत !
जुझारी रस धार में, कुद्या नहाया भोत !!३५
काव्य और इतिहास रो, संगम घणो अनूप !
सुरजन हिवडे ओपरयो, रजपूती रो रूप !!३६


                            ( ५ )

सुरसत रो साधक धुनी, रजपूती गुण खान !
दोनू रूप सुहवणा , धीर वीर मती  मान !!३७
कण कण सूं सत उझलै, रज रज में रण वीर !
दानी मानी दृढ़ व्रती, सेखा कुली सुधीर  !!३८
वीर घराणो  वीर मन, कुल गौरव सूं लाड !
जद हा पन्द्रह बरस रा,पढ़ियो कर्नल टाड !!३९
पुरखा  रै इतिहास रो, बचपण सूं हो चाव  !
पढयो गुण्यो मंथन करयो, पड्यो सरस प्रभाव !!४०
खरवा राव गोपाल सिंह, आजादी रै जंग !
जुझ्या ब्रिटिश राज सूं, थे हा बां रै संग  !!४१
अथक लेखनी अटल मन,अडिग लगन अणपार !
थां सा थे ही सूरमा, सत साहित संसार  !!४२
उजलायो कुल गोत नै, शेखा कुल इतिहास !
ज्ञान जोत नित जगमगे, दीपे घणो उजास !!४३
समझ्यो परख्यो ज्ञान सूं, मिनख पणे रो मोल !
धरम करम सत भाव सूं, लिन्यो हिवडे तोल !!४४
उजलायो निज ज्ञान सूं,जलम भोम रो नाम !
शेखा कुल री कीरति,सुरजन सूं सरनाम  !!४५
सुरसत रो सेवक अटल,इतिहासां री जोत !
शेखा कुल रो लाडलो, उजलो रूप उदोत  !!४६
थारै अंतर मन रमी, मरुधर मीठी राग !
जलम भोम हिवडे बसी,कण कण सूं अनुराग !!४७
तपसी साधक गुण धणी, ज्ञान वीर गतिमान !
मरुधर रै रस में रम्यो, संस्कृति कला  निधान !!४८
जीवन  पथ रा जातरी,सिर पर सत री पोट !
 थरप्या ऐडा ज्ञान रा, मथ मथ काढयो खोट !!४९
सुरजन सुरसत लाडलो,आतम रस लवलीन !
अपणी मझ में झूमणो, तन मन सूं स्वाधीन  !!५०

                           ( ६ )

शेखावाटी रो रतन, कुल रो गौरव-गान  !
दिव्य लोक सूं उतरयो, ले उजलो वरदान !!५१
डुबकी खा आध्यत्म में, हुयो मगन रस लीन!
आतम रस मन मोद सूं,पायो सदा नवीन !!५२
अट्क्या भटक्या फिर बढया, आयो ज्ञान निखार !
जुड्या दिव्य संगीत सूं, मन वीणा रा तार !!५३
सुरजन बोल सुहावणा, उपजावे अनुराग  !
निरमल हिड्दै रा धणी, मिलै कदै बड़ भाग !!५४
निरमल थारी साधना, निरमल थारो रूप !
निरमल थारी भावना, निरमल भाव अनूप !!५५
दिव्य देश सूं उतरया, लियां दिव्य संदेश !
सत पुरखा रो देश यो, म्हारो मरुधर देश  !!५६
सुरजन थाने के कवां, महिमा अमित अपार!
थां सा तो थे ही गुणी,काढयो इमरत सार !!५७

                                साधना

शेखावाटी रो सुजस, करयो आप विख्यात !
विदवाना रै जगत में, नित उठ चाले बात !!५८
महिमा थारे ज्ञान री, गुणिया रो आनंद !
राजस्थानी सम्पदा, थां सूं ही बणी बिलंद !!५९

भुज बल मन बल धरम बल, थां में भरयो अखुट !

थारी सुरसत साधना, लूंठी दिव्य अटूट  !!६०

 साहित थारी साधना, गुण थारो इतिहास !

जीवन रस में घोलरया, मंगल मोद हुलास !!६१

                               ( ७ )

गुण ग्राही सेवक विमल, रचना धरमी धीर !

किनी इमरत साधना, रंग रै सुरजन वीर !!६२

सुरजन थारी साधना, अविचल जीवन राग  !

सुरसत रै वरदान सूं, उजलयो थारो भाग !!६३

थे फैलायो ज्ञान निज,धोबा भर भर बाँट  !

ज्यूँ जीवन रस उमड्यो,बादल छोड़े छांट !!६४

लिखरया सन चालीस सूं,शोध खोज रा लेख !

अपणो पद थरप्यो सहज,खीच ज्ञान री रेख !!६५

नाना विध लिखिया सरस,घणा लुभाणा लेख !

साहित जग आदर दियो,सत रो सिरजण देख !!६६

घण मोली तथ्यां भरी, पोथी 'शेखो राव' !

कुल कीरत री रागनी,थे गाई मन-चाव !!६७

खोजी शोध सवांर कै, पोथी 'मांढ़ण युद्ध' !

प्रगटी साहित सम्पदा, थे हो घणा प्रबुद्ध  !!६८

महिमा थारी गूंजरी, नवल नगर इतिहास !

ज्ञान जोत दिपै करे कीरत-भवन उजास !!६९

ख्यात बात इतिहास में, थारी पैनी दीठ !

साहित रो पख उजलो, रंग सुरंग मजीठ !!७०

शिला लेख प्रगटाया , बांच- बांच नै बांच !

सत प्रगट्यो इतिहास रो, कर कर फिर फिर जाँच !!७१

आद्कल सूं इब तलक , शेखा घर इतिहास !

सांचो सबलो मांडियो, फैल्यो ज्ञान ऊजास  !७२

शेखा घर री जस कथा, थे गुंथी गुण भेद !

मानो थरप्या घण सजल, कुल कीरत रा वेद !!७३

वेदां री भूमि विमल, सदा साधना लीन !

मरुधर में शेखा धरा, उजलयो जस प्राचीन !!७४

एक कड़ी इतिहास री, जगमग 'रायसल्ल' !

ज्ञान धजा लेकर खड्यो, कीरत खंभ अचल्ल !!७५

                                   (  ८ )

जूनी गुथ्याँ सुलझगी, जुड्यो तार सूं तार !

लिख इतिहास  लुभावणा, जस पायो अणपार !!७६

मंथन कर इतिहास रो, काढ्या रतन अनूप  !

उजलायो कुल गोत नै,सुरजन साहित भूप  !!७७

मौन साधना रत धुनी, वाणी सबद रसाल !

बांटयो घण इतिहास रस, सुरजन करयो कमाल !!७८

सहज सनेही विमल मन, ज्ञानी गुणी विशाल !

पर हित साधक विनय नत,सत री करी संभाल !!७९
इतिहासां री जस कथा, गाई घणी अनूप  !
सुरसत रे परताप सूं, निखरयो आतम रूप !!८०
शेखा गर कीरत कथा, जग सूं कदै न जाय !
सरस उजाली थोक में, हरख हरख हरखाय !!८१
अपणी कुल कीरत करी,सुरजन जग विख्यात !
धजा फरूकै गगन में, जुग जुग चाले बात !!८२
कीरत शेखा- कुल धरा,भारत में विख्यात !

सुरजन किधि कलम सूं,जुग जुग चालै बात !!८

जूनी पोथ्यां सांवठी ,पढ़ी खोलियो भेद।
आदकाल सूं जोड़ियों ,शेखा कुल रो वेद।।८४

शेखावाटी हित तपै ,सुरजन गुणी सपूत।
समझयो जीवण सार नै ,यो सांचो अवधूत।। ८५

लिखियो जूनो सांवठो ,जलम भौम इतिहास।
धन है थारी लेखनी ,शेखावाटी - व्यास।। ८६

नित पोथ्यां रै ढेर बिच ,ओपै व्रती उदार।
ज्यूँ तारा बिच चन्द्रमा ,किरणा लिया अपार।। ८७

सुरसत रै परिवार में ,इतिहासां री बात।
थां सूं ही पूरी हुवै ,शेखा घर विख्यात।। ८८

गौरव गरिमा सूं भरयो ,भारत रो इतिहास।
थां नै दिनी प्रेरणा ,मन में घणो हुलास।। ८९

 मन रमियो  इतिहास में, जीवन रो रसमान।
आन बान सूं थे कथ्यों ,पुरखां रो गुणगान।। ९०

पोथ्यां पढ़ पढ़ सैंकड़ी ,पायो आतम बोध।
काळजयी पुरखा हुया ,किन्यो प्रबल प्रबोध।। ९१

अणथक चालै  लेखनी ,तन बुढो मन जोश।

  

   

                                  सुज(स 11

  sssssss